А.Масалиев айыл аймагынын айылдык Кеңешинин VII чакырылышынын кезектеги ХХXVII сессиясы

А.Масалиев айыл өкмөт башчысы А.Бакировдун 2024-жылдын 6 айында айыл өкмөтүнүндө  аткарылган иштер боюнча отчету жана  каржы бөлүмүнүн башчысы М.Исажановдун билдирүүсүн угуп жана талкуулап А.Масалиев айылдык Кеңешинин сессиясы

ТОКТОМ   К Ы Л А Т:

1. А.Масалиев айыл өкмөт башчысы А.Бакировдун айыл өкмөтүндө 2024-жылдын 6 айында аткарылган иштери боюнча отчёту канаатандырарлык деп табылсын.                                                                                                                                                     
2. Бюджетке өзгөртүүлөр жана толуктоолор №1 тиркемеге ылайык бекитилсин. (Тиркеме тиркелет)     
3. Айыл өкмөтүнүн 2025-2026-2027-жылдарга болжолдуу бюджети тиркемеге ылайык бекитилсин. (Тиркеме тиркелет)            
4. Токтомдун аткарылышын көзөмөлдөө жагы айылдык Кеңештин бюджет боюнча туруктуу комиссиясына жүктөлсүн.

Төрага                                                                                           Т.Галботоев

А.Масалиев айыл өкмөт аймагындагы айылдарда өткөрүлгөн элдик жыйындардын протоколуна  негиз жана айыл өкмөт башчысы А.Бакировдун билдирүүсүн  угуп жана талкуулап А.Масалиев айылдык Кеңешинин сессиясы

ТОКТОМ   К Ы Л А Т:

1. А.Масалиев айыл өкмөт аймагындагы айылдарда айдоо жерлерине малдарды айдап багууга тыюу салынсын.
2. Кароосуз жүргөн малдардын ээлерине укук бузуулар кодексинин беренелеринин негизинде 20 000 (жыйырма миң) сом өлчөмүндө айып пул салынсын деп белгиленсин.
3. Ушул токтомго негиз моюн сунбаган жарандарды укук коргоо органдарына өткөрүп берүү жагы каралсын.
4. Токтомдун аткарылышы айыл өкмөт башчысы А.Бакировго милдеттендирилсин.
5. Токтомдун аткарылышын көзөмөлдөө жагы айылдык Кеңештин айыл чарба жана мыйзамдуулук боюнча туруктуу комиссияларына  жүктөлсүн.

Төрага                                                                                           Т.Галботоев

А.Масалиев айылдык кеңешинин айыл чарба боюнча туруктуу комиссиясынын  билдирүүсүн  угуп жана талкуулап А.Масалиев айылдык Кеңешинин сессиясы

ТОКТОМ   К Ы Л А Т:

1. А.Масалиев айыл өкмөт аймагындагы “Алдаберди” фермердик чарбасына ишмердүүлүгүн өнүктүрүү үчүн короо – сарай салууга Көн айылынын үстү тарабынан 0,50 га жер аянты ажыратылып берилсин.
2. Короо-сарай айыл өкмөтүнүн муниципалдык менчигине алынсын.
3. Токтомдун аткарылышы айыл өкмөт башчысы А.Бакировго милдеттендирилсин.
4. Токтомдун аткарылышын көзөмөлдөө жагы айылдык Кеңештин айыл чарба боюнча туруктуу комиссиясына  жүктөлсүн.

Төрага                                                                                           Т.Галботоев

1. А.Масалиев айыл өкмөтүнө караштуу “Исфайрам” муниципалдык ишканасына тазалык иштерин жүргүзүүгө техника сатып алуу үчүн 500 000 (беш жүз миң) сом акча каражаты бөлүнүп берилсин.
2. Кара-Дөбө айылына таза суу киргизүү үчүн жасалуучу таза суу долбооруна макулдук берилсин.
3. Айыл өкмөт аймагындагы айылдардын таза сууга кирбей калган көчөлөрүнө таза суу тартуу боюнча долбоору даярдалсын.
4. “Исфайрам” муниципалдык ишканасынын таза сууга 6 айлыкта алымча кошумча чыгымдары каралсын.
5. Токтомдун аткарылышы “Исфайрам” муниципалдык ишканасынын директору И.Бекботоевке милдеттендирилсин.
6. Токтомдун аткарылышын көзөмөлдөө жагы айылдык Кеңештин бюджет боюнча туруктуу комиссиясына жүктөлсүн.

А.Масалиев айыл өкмөт башчысынын орун басары-жооптуу катчысы А.Мадумаровдун  билдирүүсүн угуп жана бүгүнкү  күндөгү инфляцияны эске алып күн тартибиндеги маселени  талкуулап айылдык Кеңештин сессиясы

ТОКТОМ   К Ы Л А Т:

1. А.Масалиев айыл өкмөт аймагындагы муниципалдык менчикте турган имараттардын ижара акылары көтөрүлсүн.
2. Алдыңкы келишимдери жокко чыгарылып кайрадан келишим түзүү жагы айыл өкмөт башчысына жүктөлсүн.
3. Токтомдун аткарылышын көзөмөлдөө жагы айылдык кеңештин бюджет боюнча туруктуу комиссиясына жүктөлсүн.

         Төрага                                                                                     Т.Галботоев

АРИС коомчулукту өнүктүрүү жана инвестициялоо агентствосу боюнча долбоордун координатору М.Э.Баялиевдин 13-июнундагы №10-498 сандуу катынын негизинде билдирүүнү   угуп жана талкуулап А.Масалиев айылдык Кеңешинин сессиясы

ТОКТОМ   К Ы Л А Т:

1. А.Масалиев айыл аймагынын Кара-Дөбө айылында АРИС прогаммасынын колдоосунун негизинде мөмө жемиштерди кургатуучу цехи уюштурулуп, жумуш орундары түзүлгөндүгү жана АРИС коомчулукту өнүктүрүү жана инвестициялоо агентствосу  боюнча долбоордун координатору М.Э.Баялиевдин 13-июнундагы №10-498 сандуу каты көңүлгө алынсын жана канааттандырылсын.
2. Кара-Дөбө айылындагы мөмө-жемиштерди кургатуучу цехин бизнес өнөктөшкө убактылуу пайдаланууга ижарага берүүгө макулдук берилсин.
3. Токтомдун аткарылышын камсыздоо жагы айыл өкмөт башчысы А.Бакировго жүктөлсүн.
4. Токтомдун аткарылышын көзөмөлдөө жагы айылдык Кеңештин социалдык маселелер  боюнча туруктуу комиссиясына  жүктөлсүн.

Төрага                                                                                           Т.Галботоев

Мамлекетибизге сырттан коркунуч  жаралганда мекенди коргоо үчүн аскерге милдеттүүлөрдү жыйноодо 1-2- категориядагы аскерге милдеттүүлөр биринчи тартыларын, Кыргыз Республикасынын Конституциясынын 54-беренесинде көрсөтүлгөн жарандардын ыйык парзын жана милдетин аткарган жаш жигиттерибизди колдоо,  1-категория жана 2-категориядагы мобилизация убагында чакыртыла турган аскерге милдеттүүлөрдү биринчи орунда турак жай менен камсыз кылуу боюнча  угуп жана талкуулап А.Масалиев айылдык Кеңешинин сессиясы

ТОКТОМ   К Ы Л А Т:

1. А.Масалиев айыл өкмөт аймагында турак чай куруу үчүн жер тилкеси трансформация болуп берилип баштаганда мамлекет тарабынан берилүүчү турак жай куруу үчүн жер тилкесин ала элек 1-категория жана 2-категориядагы мобилизация убагында чакыртыла турган анык аскер кызматына барып келген аскерге милдеттүүлөргө биринчи орунда турак жай куруу үчүн жер тилкеси берилсин.
2. Токтомдун аткарылышын камсыздоо жагы айыл өкмөт башчысына жүктөлсүн.
3.  Токтомдун аткарылышын көзөмөлдөө жагы айылдык Кеңештин социалдык маселелер  жана айыл чарбасы боюнча туруктуу комиссияларына   жүктөлсүн.

Төрага                                                                                           Т.Галботоев

Социалдык маселелер  боюнча туруктуу комиссиясынын билдирүүсүн  угуп жана талкуулап А.Масалиев айылдык Кеңешинин сессиясы

ТОКТОМ   К Ы Л А Т:

1. А.Масалиев айыл өкмөт аймагында ЖРТ тестинен эң жогорку балл алган ар бир мектеп окуучусу жана окуучуларды даярдаган мугалимдер сыйлансын.

2. Токтомдун аткарылышын камсыздоо жагы айыл өкмөт башчысына жүктөлсүн.
3.  Токтомдун аткарылышын көзөмөлдөө жагы айылдык Кеңештин социалдык маселелер  боюнча туруктуу комиссиясына   жүктөлсүн.

Төрага                                                                                           Т.Галботоев

А.Масалиев айыл өкмөтүнүн каржы бөлүмүнүн башчысы М.Исажановдун  2024-жылдын жергиликтүү бюджети боюнча 6 айлык  планга карата билдирүүсүн угуп жана талкуулап айылдык Кеңештин сессиясы

ТОКТОМ   К Ы Л А Т:

1. А.Масалиев айыл өкмөтүнүн каржы бөлүмүнүн башчысы М.Исажановдун билдирүүсү эске алынсын, жергиликтүү бюджеттин чыгашалар бөлүгүнүн өзгөртүү, толуктоолору №1 тиркемеге ылайык бекитилсин.

2. Токтомдун аткарылышын көзөмөлдөө жагы айылдык кеңештин бюджет боюнча туруктуу комиссиясына жүктөлсүн.

                                                                                              (Тиркеме тиркелет)

         Төрага                                                                                     Т.Галботоев