А.Масалиев айыл аймагынын айылдык Кеңешинин VII чакырылышынын кезектеги XIII сессиясы

А.Масалиев айыл өкмөт башчысы Д.Маматкуловдун 2022-жылдын 6 айында айыл өкмөтүнүн жергиликтүү бюджетинин аткарылышы боюнча отчету жана  каржы бөлүмүнүн башчысы М.Исажановдун билдирүүсүн угуп жана талкуулап А.Масалиев айылдык Кеңешинин сессиясы

ТОКТОМ   К Ы Л А Т:

1. А.Масалиев айыл өкмөтүнүн жергиликтүү бюджетинин 2022-жылдын 6 айында аткарылышы жактырылсын.

2. Бюджетке өзгөртүүлөр жана толуктоолор №1 тиркемеге ылайык бекитилсин.

3. Токтомдун аткарылышын көзөмөлдөө жагы айылдык Кеңештин бюджет боюнча туруктуу комиссиясына жүктөлсүн.

(Тиркеме тиркелет)

         Төрага                                                                                           Т.Галботоев

Кыргыз Республикасынын Жер Кодексинин 11 - 13- беренелерине негиз, А.Масалиев айыл өкмөтүнүн 21.07.2022-жылдагы чыг.№03-24/273 катын А.Масалиев айылдык Кенешинин алдындагы турак үйдү жан жерди мыйзамдаштыруу боюнча комиссиясынын корутундусун, депутаттардын сунуштарын эске алып А.Масалиев айылдык Кенешинин  сессиясы 

ТОКТОМ   К Ы Л А Т:

1. А.Масалиев айыл өкмөтүнүн айыл аймагындагы Кыргыз Республикасынын жарандарын жер участогу менен камсыз кылуу боюнча 2022-2026-жылдарга карата программасы алымча кошумчасы менен №1 тиркемеге ылайык бекитилсин.

2. Бекитилген программаны ишке ашыруу үчүн иш-аракет жүргүзүү жана аткарылышы боюнча бир жылда бир жолудан кем эмес айылдык кенештин сессиясында отчет берүү жагы айыл өкмөт башчысы Д.Маматкуловко жүктөлсүн.

3. Токтомдун аткарылышын көзөмөлдөө жагы айылдык Кеңештин мыйзамдуулук жана айыл чарба боюнча туруктуу комиссиясына жүктөлсүн.

         Төрага                                                                                           Т.Галботоев

«А.Масалиев» айыл аймагында Кыргыз Республикасынын

 Жарандарын жер участоктору менен камсыз кылуу боюнча

2022-2026 жылдарга карата

ПРОГРАММАСЫ

“А.Масалиев” айыл аймагынын кыскача географиялык жана

социалдык-экономикалык мүнөздөмөсү

1.1.  Географиялык өзгөчөлүктөрү.

А.Масалиев атындагы айыл өкмөтү Кадамжай районунун  чыгыш-тундук тарабынан орун алган. Түндүгүндө Өзбекистан, түштүгүндө жана батышында Майдан айыл өкмөтү, чыгышында Уч-коргон айыл өкмөтү менен чектешип турат.

Рельефи: Кадамжай районунун  чыгыш-тундук тарабынан жайгашкан. Топурак, кум жана майда шагыл, таштардан турат.

            Климаты: Климаты борсалдуу ачык байкалган кышы жана жайы менен. Абанын бир айлык орточо температурасы июль  айында өрөөндөрдө + 35⁰С, январь айында -4-2 ⁰С. Шамалдын бир айлык орточо ылдамдыгы 2-6 м/сек.айрым убакта күнү 26 м/секундага жетет. Атмосфералык жаан-чачындын орточо саны бир жылда 200 мм ден 500 мл.метрге чейин өзгөрүп турат. 

Гидрографиясы: А.Масалиев айыл аймагынынчыгыш-түндүк тарабынан стратегиялык Исфайрам дарыясы жайгашкан. 

Өсүмдүктөрү: Тик алкактагы рельефи өсүмдүк катмарынын ар түрдүүлүгү менен шартталган. Жалпы түрлөрүнүн курамы – ондогон түрлөрү, алар топторго кошулат (жээлчү жана жээлбечү). 

1.2. Аймактык башкаруунун социалдык-экономикалык мүнөздөмөсү

А.Масалиев атындагы айыл өкмөтүнүнкурамына төмөнкү 8 айыл кирет: Өлагыш, Алыш, Ташкоргон, Карадөбө, Көн, Кожо, Лесхоз, Какыр. Аймактык башкаруунун административдик борбору – Ишматов көчөсү №12 де жайгашкан.

Аймактык башкаруунун жалпы аянты – 17436,0 га,  калктын туруктуу курамынын саны 15267 адам, алардын ичинен:

• Эркектер                                                     –  7 679 адам;
• Аялдар                                                        –  7 588 адам;
• 0 жаштан 15 жашка чейинки балдар       –  4 009 адам;
• 16 жаштан  62 жашка чейинкилер            –  9 881 адам.

Калктын эмгекке жарамдуулары  - 9 881 адам, алардын катарында:

• Иштегендери                          - 7506 адам;
• Иштебегендери                     - 2375 адам.

-калктын социалдык аярлуу топтору:

• пенсионерлер                                 - 1 718 адам;
• майыптар                                         -  345 адам;
• жалгыз бой кары жарандар        - 9 адам;
• 7 жашка чейинки балдар               - 2004 адам.

   №1 таблица

Калктуу конуштар электрлештирилген, узундугу 42,5 км түзгөн суу түтүктөрү жана 110 колонка бар. Калкты ичүүчү суу менен камсыз кылуу суу түтүктөрү, скважиналар аркылуу ишке ашырылат.

Аймактык башкаруунун кеңсеси  өткөргүчсүз «КыргызТелеком», «Билайн», «Мегаком», «О» телефон байланышы менен  калктуу конуштар камсыз болгон.

            Административдик, маданий-турмуш-тиричилик жана өндүрүштүк имараттар негизинен бир-эки кабаттуу,  топурак менен урулган жана бышкан кыш, темир-бетондон курулган.

Жеке сектордогу турак үйлөр саман-топурактан  жана бышык,  кам кирпичтен курулган.  

Калктын негизги киреше булагы – айыл-чарбасы, мал-чарбасы жана жеке ишкерлер.

Аймактык башкарууда малдын башынын саны:

•                             Ири мүйүздүү мал  –  4374 баш;
•                             Кой-эчки                    –  9637 баш;
•                             Жылкы                      –  129 баш;
•                             Канаттуулар            –  12 600.

Жер фондусу:  

• Бардыкжерлер – 17436.0 га;
• Жалпы айдоо – 1552.0 га;
• Сугат айдоо – 1371.0 га;
• Кайрак айдоо – 181.0 га;
• Жалпы бак дарактар – 156.0 га;

Чарба жүргүзүү объектилери:

•                                        Устакана                                      -    1;
•                                        Механикалык устакана               - 6;
•                                        Тегирмен                                     - 1;
•                                        Дарыкана                                   - 1;
•                                        Үрөнчүлүк чарба                         - 1;
• Асыл тукум чарбасы - 2;

• Дыйкан чарба - 32;
• Айыл чарба кооперативи - 2;
• Акционердик коом - 2;
• Майиптар үйү -       1;
•             Соода түйүндөрү                               - 24.

Ички чарбалык жол тармагы жалпы пайдаланылып келген жолдордун тармагы менен түздөн-түз байланыштуу. Негизи жолдун узундугу 114,0 чакырымды түзөт, анын ичинен катуу нерсе менен капталган –  25,0 чакырым.

Көпүрө – 5.

•           Электр берүү линиясынын  (ЭБЛ)  узундугу – 33 чакырым.
•           Трансформатордук подстанциялардын саны – 40 даана.

Калк  электр кубаты  менен  100 % камсыздалган.

Айыл өкмөтүнүн баардык аймагы сел жана жер титирөөнүн интенсивдүүлүгү боюнча 5 баллдык мүмкүнчүлүгү бар зонага  дуушар.

      Коопту чарбалар – турак  үйлөр, чарба жүргүзгөн объектилер, ирригациалык  түйүндөр.

1.3.  А.Масалиев айыл аймагынын  инфратүзүлүшү жана алардын мүнөздөмөсү.

Билим берүү мекемелери:

Медициналык мекемелер:

     Маданий-эс алуучу мекемелер:

• Маданият үйү                         - 1;
• Китепкана                             - 1;
• Стадион                                  - 1;

Административдик жана маданий-турмуш-тиричилик имараттар негизинен эки кабатка чейин,  көп кабаттуу курулуштар  жана турак  үйлөр.

  Жеке  сектордо:

№ 2 таблица                                                                                     

Калктуу конуштарды кенейтүүдө жана жаны айылдарды түзүүдө А.Масалиев айыл аймагындагы баардык айылдар Кадамжай райондук шаар курулуш жана архитектура башкармалыгы менен биргеликте тандалып чыкты, айылдардын келечектүүлүгү алардын генералдык пландары аркылуу каралды. Негизинен келечектеги түзүлүп жаткан жаңы конуштарда элдер турак жай салып, жашоого ынгайлуу болгон жана негизги автоунаа жолдору каралган, ички инфраструктураларды алып келүүдө жакшы шарттары бар жер тилкелери тандалып каралган.

Трансформациялоого даярдалган жер жөнүндө.

А.Масалиев айыл аймагында 2022-2026-жылдар ичинде 1 этап менен жаңы конуштарды түзүүгө бекитилген жер массивтери:

I этап.  А.Масалиев айыл аймагынын тургундарына жеке менчик турак жай куруу үчүн жер өлчөмдөрүн бөлүп берүүгө жазган арыздарын, ага тиркелген документтерди карап чыгып, бугунку кунгө карата 2255 арыз катталып, турак жайлары жоктугун, жашоо шарттарын оор жактарын эске алып, айыл аймагынын калкынын жеке менчик үй курууга болгон муктаждыктары өскөндүгүнө байланыштуу,    Кожо айылынын түштүк-батыш тарабынан 100,0 га жана Алыш айылынын батыш-түштүк тарабынан 50,0 га жайыт жерлер жеке менчик турак жай куруу үчүн айыл аймагынын тургундарына бөлүнүп берилет. Айыл аймагынын борборунан 10 км алыстыкта жайгашкан.

А.Масалиев айылдык кенешинин айыл чарба боюнча туруктуу комиссиясынын билдирүүсүн угуп жана талкуулап А.Масалиев айылдык Кенешинин сессиясы

ТОКТОМ   К Ы Л А Т:

1. А.Масалиев айыл өкмөт аймагындагы Ташкоргон айылынын түштүк-батыш тарабында жайгашкан 1,4 га жер аянтын мал базар ачуу үчүн жайыт жер категориясынан өнөр жай, транспорт, байланыш жана башка жерлер категориясына которууга (трансформациялоого) макулдук берилсин.

2. Ташкоргон айылынын түштүк-батыш тарабында жайгашкан 1,4 га жер аянты мал базар ачуу үчүн жайыт жер категориясынан өнөр жай, транспорт, байланыш жана башка жерлер категориясына которулгандан (трансформациялоого) кийин аукцион аркылуу берилсин.

3. Токтомдун аткарылышын көзөмөлдөө жагы айылдык Кеңештин айыл чарба боюнча туруктуу комиссиясына жүктөлсүн.

         Төрага                                                                                           Т.Галботоев

“Исфайрам” муниципалдык ишканасынын директору Ю.Смаиловдун билдирүүсүн угуп жана талкуулап  А.Масалиев айылдык Кеңешинин сессиясы

ТОКТОМ   К Ы Л А Т:

1. А.Масалиев айыл аймагындагы “Исфайрам” муниципалдык ишканасынын Кара-Дөбө, Көн, Кожо айылдары боюнча таза суунун тарифи тиркемеге ылайык бекитилсин.  

 (Тиркеме тиркелет)

2. Токтомдун аткарылышын көзөмөлдөө жагы А.Масалиев айылдык кенешинин бюджет боюнча туруктуу комиссиясына жүктөлсүн.

  Төрага                                                                                           Т.Галботоев

             “Кара-Дөбө” айыл чарба кооперативинин жери 1992-жылы 17-мартында Эл депутаттарынын Кадамжай райондук Кеңешинин президумунун №222 сандуу токтому менен 30 жылдык мөөнөткө А.Ташовко ижарага берилген бүгүнкү күндө №005691 мамлекеттик акт негизинде 2022-жылдын 17-апрель айында ижара мөөнөтү аяктагандыгына негиз жана   А.Масалиев айылдык кеңешинин алдында түзүлгөн комиссиянын билдирүүсүн угуп жана талкуулап А.Масалиев айылдык Кеңешинин сессиясы  

ТОКТОМ   К Ы Л А Т:

1. “Кара-Дөбө” айыл чарба кооперативинин жери А.Масалиев айыл өкмөтүнүн балансына алынсын.
2. Айыл өкмөт балансына өткөрүү боюнча тийиштүү иш кагаздарын бүткөрүү жагы айыл өкмөт башчысы Д.Маматкуловко жүктөлсүн.
3. Токтомдун аткарылышын көзөмөлдөө жагы А.Масалиев айылдык кенешинин айыл чарба боюнча туруктуу комиссиясына жүктөлсүн.

         Төрага                                                                                           Т.Галботоев

А.Масалиев айылдык кенешинин мыйзамдуулук боюнча туруктуу комиссиясынын билдирүүсүн угуп жана талкуулап А.Масалиев айылдык Кеңешинин сессиясы

ТОКТОМ   К Ы Л А Т:

1. А.Масалиев айыл өкмөт аймагындагы Кара-Дөбө айылынын тургуну Ю.Хасановдун өзүнүн жеке менчигинде турган чайханасы менен Ош-Баткен-Раззаков автожолунун ортосундагы муниципалдык менчиктеги 280 ч.м. жер тилкеси Ю.Хасановко көз карандысыз мүлктү баалоочу тарабынан коюлган баага түз сатуу жолу менен берүүгө макулдук берилсин.
2. Тийиштүү иш кагаздарын бүткөрүү жагы айыл өкмөт башчысы Д.Маматкуловко жүктөлсүн.
3. Токтомдун аткарылышын көзөмөлдөө жагы А.Масалиев айылдык кенешинин мыйзамдуулук боюнча туруктуу комиссиясына жүктөлсүн.

         Төрага                                                                                           Т.Галботоев